Guðmundur B. Kristmundsson hristi verulega upp í okkur í námskeiðinu Læsi og lestrarnám I í morgun. Hann sagði okkur ævintýri þar sem ýmis atriði voru á skjön við þær hugmyndir sem við vorum með innbyggðar í okkur. Það er nefnilega mjög skondið hvað maður er fastur í ákveðnum atriðum varðandi ævintýri, t.d. það að prinsessur séu alltaf ungar og fagrar stúlkur, að þær velji þann mann sem gefur þeim ást en ekki auð o.s.frv. Það hefðu allir gott af að kíkja á óhefðbundin ævintýri. Sem dæmi um slík get ég svo sem nefnt amerísku "Politically correct"-sögurnar, ég mæli með þeim.