Lokadagskrá framsagnarþátts íslenskunámskeiðsins var í dag. Við vorum í hátíðasal Sjómannaskólans og áttum við að flytja ljóð, reynslusögu eða lesa þjóðsögu eða ævintýri. Þetta gekk allt voða hratt og vel fyrir sig og er ágætt að vera búin að ljúka hluta íslenskunámskeiðsins.
Reyndar skilur ekkert okkar af hverju í ósköpunum við þurftum að fara í gegnum annað framsagnarnámskeið og aðra svona lokadagskrá því við gerðum næstum það sama fyrir jól á íslenskunámskeiðinu þá. Núna fengum við reyndar æfingu í að segja reynslusögur og fannst mér það mjög gaman. Reyndar hefði mátt gera enn meira úr þeim hluta.
Margir í dag fluttu ljóð eftir Þórarin Eldjárn enda virðast vinsældir hans hafa aukist enn meira eftir útgáfu nýjustu ljóðabókar hans, Grannmeti og átvextir (sem by the way er mjög ofarlega á óskalistanum mínum :)...).