Rölti í góða en ískalda veðrinu upp að Hallgrímskirkju. Planið var að fara með video-vélina hennar mömmu upp í turn og taka loftmynd af borginni - ég er nefnilega að búa til smá video-spólu til að senda Jolöndu. En ég kom að læstum dyrum guðshússins og þurfti að snúa við án þess að ná þeim myndum sem mig vantaði. Smá svona svekkelsi en samt held ég reyndar að göngutúrinn hafi gert mér gott - ég geri alltof lítið af því að fara út að labba.

Í kvöld fer ég svo á reunion C-bekkjarins alræmda úr MR. Ég missti af því í fyrra sökum misskilnings varðandi netfangið mitt en í ár ætla ég sko pottþétt ekki að missa af þessu.