Í dag, enn sem áður, sit ég og froðufelli yfir Formúlunni. Ekki eru það ökumennirnir sem reita mig til reiði heldur íþróttafréttamennirnir sem lýsa keppninni. Hver hleypti þessum mönnum eiginlega inn fyrir dyr hjá RÚV? Hverjum datt í hug að setja þá í starf þar sem þeir þurfa að opna munninn? Ég biðst forláts ef ég hljóma of grimm en mér ofbýður í hvert skipti sem ég hlusta á þá lýsa keppninni. Íslenskan þeirra er tæp en þeir fjalla oft um að þetta eða hitt "telji" en þetta orðalag er komin beina leið úr ensku, "this is what counts". Í dag töluðu þeir síðan m.a. um að einn af keppendunum myndi líklega næla í dollu á verðlaunapallinum. Héðan í frá ætla ég að skrá hjá mér alla vitleysuna sem gubbast út úr þessum mönnum!