Mamma og ég fórum í messu eins og vanalega á föstudaginn langa. Verst að Guðbjörg komst ekki með, við systurnar höldum nefnilega mjög upp á sálminn "Ég kveiki á kertum mínum" sem sunginn er á föstudaginn langa.
Svo fórum við Jói í kaffiboð til mömmu hans og fengum fullt af góðum kræsingum. Alltaf gaman að komast í almennileg kaffiboð. :)
Núna áðan vorum við svo í bíó - fórum í Smárabíó til að sjá Ice Age. Hún er ansi sniðug, fyndin og flott. Engin stórmynd en mjög skemmtileg samt. Ég var lengi að velta fyrir mér hver talaði fyrir Manfred loðfíl en heyrði svo skyndilega að það var Raymond af Skjá einum. Hann er alltaf skemmtilegur.