Mikið rosalega var ég viss um að dagar Mark Green í Bráðavaktinni yrðu taldir í kvöld. Það gekk svo hryllilega illa hjá honum að komast í eigið brúðkaup og svo barði hann hausnum m.a.s. utan í hurðina á sjúkrabílnum að ég var alveg viss um að það yrði ekkert brúðkaup, hann myndi drepa sig á leiðinni og aumingja Elizabeth myndi þurfa að ala upp barn sem einstæð móðir og fengi ekki einu sinni að gifta sig. En handritshöfundunum tókst að koma mér á óvart í þetta skiptið, hann komst í brúðkaupið og við fengum happy ending...enda löngu kominn tími á það eftir alla vasaklútaþættina í vetur.