Lokaþáttur Survivor í kvöld. Úrslitin eru mér ágætlega að skapi þó ég hafi reyndar haldið meira með Helen heldur en Brian. En alla vega er ég guðs lifandi að Clay vann ekki, svo mikið er víst. Nú er bara að bíða eftir Survivor VI...

Ætli ég verði ekki næsti tannlæknagestur á neyðarvaktinni, ég hef fundið fyrir óþægindum í jaxli vinstra megin (ekki samt endajaxli...) stóran hluta vetrarins en tannlæknirinn minn fann ekkert athugavert á þeim myndum sem hann tók. Í dag hef ég svo verið með stöðugan verk ef ég bít saman vinstra megin og svo ég verð líklega að láta kíkja á þetta á morgun. Svona til að tryggja mér ánægjuleg áramót.