Það er nú meira hvað skipulag vettvangsnámsins í ár er flókið. Svo virðist sem aðaláherslan sé lögð á fjöldaframleiðslu kennsluáætlana. Við skilum einni áætlun til viðtökukennarans, ein áætlun fer til kennslufræðikennarans okkar í KHÍ (í okkar tilfelli til Rannveigar), tvær fara til Guðmundar og Sigríðar (jú, jú, tvær því við eigum að skila hvor sinni möppunni...) og svo fer sérstök kennsluáætlun um framsögn til Þórðar. Einhvern veginn hefði maður haldið að það væri nóg að skila tveimur áætlunum til KHÍ, þ.e. einni til Rannveigar og annarri til Guðmundar og Sigríðar sem Þórður gæti þá fengið að glugga í. En...jæja, ég ætla ekki að vera að kvarta, ég er svo glöð yfir að hafa loksins náð því hverju ég eigi að skila hvert!