Við mamma þræddum útsölurnar í Kringlunni í dag. Ég fann mér einn kjól og veski en mamma fann ekkert sem heillaði hana neitt sérstaklega svo að þetta var frekar dauf útsöluferð. En það er þó alla vega betra að vera búinn að skoða hvað er í boði til að láta sig ekki dreyma endalaust um kostavöru á kostakjörum.
Ég þyrfti samt kannski að fara að kaupa mér nýjan fatalager í þó nokkuð stærri númerum ef ég held áfram að borða svona eins og svín. Við Jói horfðum á nokkra Star Trek þætti í kvöld og ég tróð mig út af snakki, smákökum, sælgæti o.fl. Ætli það sé ekki kominn tími fyrir eins og eitt áramótaheit...þ.e. að minnka aðeins allt þetta óhollustuát...