Áramótakvöldið var mjög ánægjulegt hjá okkur. Tengdamamma bauð upp á góðar veitingar, Ríkissjónvarpið bauð upp á frábært áramótaskaup og íbúar höfuðborgarsvæðisins buðu upp á marglita flugeldasýningu. Allir því svaka sáttir og voða gaman :)
Fljótlega eftir miðnættið kvöddum við familíuna og héldum úr einum vogi yfir í annan, Grafarvogurinn var yfirgefinn fyrir Kópavoginn þar sem Örn og Regína voru með áramótapartý í nýju íbúðinni sinni. Þar var margt um manninn og gleði mikil.
Sem sagt gleðileg áramót og ágætis byrjun á nýju ári. Ég ætla að leyfa áramótaheitunum frá því í fyrra að standa þar sem ég er ekki búin að uppfylla þau enn... ;)

Í dag naut ég þess svo að striplast á náttfötunum frá Theó og Lenu allan daginn og lesa. Þannig eiga svona "eftir-hátíðardagar" að vera, eintóm leti og aumingjaskapur :)