Mikið var ég fegin að vera búin að vinna kl. 16 í dag en ekki 17. Ég var komin með ruggustólinn og bók út á svalir næstum áður en ég fór út úr bílnum á planinu heima. Náði síðustu sólargeislum dagsins og naut lífsins. Líklega hefur hin sjaldséða sól lostið þeirri hugmynd í huga minn að það væri tilvalið að grilla. Svo ég kveikti á grillinu. Um leið komu fyrstu regndroparnir. En ég lét þá ekkert á mig fá og náði í kjötið. Þá kom hellidemba. Ég grillaði sem sagt í regnstakki og með regnhlíf í úrhellisrigningu sem kom sem betur fer beint að ofan og náði því ekki á kjötið undir regnhlífinni. En enginn er verri þótt hann vökni og maturinn bragðaðist afskaplega vel :)