Til hamingju með afmælið í gær, mamma :)

Tengdapabbi skrapp á Selfoss í gær og sótti sófa fyrir okkur Jóa. Víðförull sófi þrátt fyrir þyngd og ummál, var í Reykjavík hjá mömmu, í Mosfellsbæ hjá pabba, á Selfossi hjá Guðbjörgu og nú í Reykjavík hjá okkur. Ég skil ekki enn hvernig okkur tókst að koma gripnum alla leið upp á hanabjálkann okkar hérna í Betrabóli en eitt er víst, hann fær að fljúga út í krana eins og píanóið næst þegar við flytjum ;)

Það litu þrír kennaranemar inn í tíma til mín í dag. Nú standa yfir skólaheimsóknir kennaranema eins og við fórum í á fyrsta árinu okkar í Kennó. Mér fannst nokkuð skondið að fá kennaranema í heimsókn (þó það væri bara í eina kennslustund), mér finnst ég eiginlega vera kennaranemi ennþá að einhverju leyti... :)

Ég fór snemma heim úr skólanum í dag þar sem mér fannst ég vera orðin sárlasin. Vona að ég hafi ekki misst af gífurlega miklu á táknmálsnámskeiðinu, það er svo vont að missa úr þar sem það er ekki beinlínis hægt að sjá neinar glósur hjá hinum... Ég er svo bara búin að hvíla mig í kvöld svo ég þurfi ekki að vera heima á morgun, það fylgir sem betur fer ekki hiti með höfuðverknum, hálsbólgunni og flökurleikanum.

Við Jói kíktum á kattaslaginn á Skjá einum áðan. Konurnar sem hr. Firestone dömpaði létu heyra í sér. Við höfum reyndar ekkert horft á þættina, ég sá þáttinn þar sem hann heimsótti fjölskyldur fjögurra þeirra en meira hef ég ekki séð. Það var samt ansi áhugavert að heyra hvað konurnar sögðu hver um aðra. Mér finnst bráðfyndið hvað þær þykjast allar vera miklar vinkonur meðan þær langar mest til að rífa hárið hver af annarri. Kannski maður kíki á lokaþáttinn til að gá hverja hann tekur með sér heim á vínekruna? ;)