Ég er að vasast í svo mörgu og langar að gera svo margt um þessar mundir að ég held ég verði að fara að skipuleggja mig.

Mig langar að halda áfram að skrifa skáldsöguna mína.
Mig langar að lesa allt í bókastaflanum á náttborðinu mínu.
Mig langar að æfa mig að teikna eftir bókunum sem Jói gaf mér.
Mig langar að búa til heimasíðu fyrir yngri barna sviðið.
Mig langar að skanna inn fleiri myndir til að setja á síðuna mína.
Mig langar að sauma stóru krosssaumsmyndina sem ég er með.
Mig langar að fara í hjólatúra og göngutúra.
Mig langar að hitta vini og vandamenn mína oftar.

En einhverra hluta vegna geri ég minnst af þessu og er bara að drolla við að...ja, það er spurningin, hvað er ég eiginlega alltaf að gera?
Það virðist oft vera þannig að sumir sem hafa allra mest að gera (eru með börn, vinnu og jafnvel aukavinnu, sjá um heimili og fara í líkamsrækt o.fl. o.fl.) hafa alltaf nægan tíma til að gera allt og virðast hafa 50 tíma í sólarhringnum. Ég held að leyndarmálið hljóti að vera skipulagning.

Svo nú þarf ég bara að fara að skipuleggja og næ þá kannski að gera allt sem ég ætla mér :)