Tengdapabbi leit við í kvöld til að hjálpa okkur að yfirfara hvort nýi gaskúturinn væri rétt festur við grillið. Betra að hafa það allt á hreinu áður en grillveislan hefst annað kvöld ;)
Hann kom ekki einungis með hjálparhendi heldur einnig færandi hendi og gaf mér nýja rútubíladiskinn þeirra KK og Magnúsar Eiríkssonar. Ég er auðvitað himinlifandi því mig langaði ofsalega í þennan disk :) Ég held ég byrji bara að telja niður dagana fram að hinu árlega Fjölskyldumóti Sælukots um verslunarmannahelgina, örugglega frábært að hlusta á svona ferðalagadisk á ferðalagi.

Nú ætla ég að drífa mig undir nýju sængina góðu (og halda áfram að óska þess að það sé frost úti svo hún verði enn meira kósí og þægileg) og fá góðan nætursvefn. Ég á það alveg skilið, er búin að vera svo dugleg að brjóta saman þvott, þvo þvott, taka til og gera fínt :)

Góðvinir mínir á hinni mögnuðu videoleigu Laugarásvideo fengu ágætis umfjöllun í Mogganum í dag. Það voru sko engar ýkjur í þessari grein, þetta eru náttúrulega algjörir snillingar með snilldarvideoleigu. Ég var fastakúnni hjá þeim frá því eldnsnemma á mínum grunnskólaárum en hef lítið farið eftir að ég flutti af Kambsveginum :( ekki af því mér finnist of langt að fara heldur aðallega af því ég tek svo sjaldan video núorðið. Ég verð samt endilega að kíkja bráðum til þeirra aftur, ég held barasta að ég sé farin að sakna þeirra!