Það eru sko þvílíkir fundir sem fylgja skólastarfinu, frá kl. 9 til 12:30 í dag sat ég á 4 fundum! Þannig að skipulagningin fyrir fyrstu dagana í skólanum fór aðallega fram eftir hádegi. En þetta er allt að koma. Ég veit náttúrulega ekki hversu gáfuleg skipulagning er þar sem flestir á kennarastofunni voru að komast í vímu vegna sterku lakkmálningarlyktarinnar sem læddist í gegnum allar gættir. Við Helga hættum skipulagningu í kringum þrjúleytið þar sem við vorum komnar með hausverk og forðuðum okkur heim. Vona að óþverralyktin verði fljót að fara.

Já, vírusafjörið er heilmikið. Mín biðu 31 sýkt e-mail þegar ég kveikti á tölvunni minni seinnipartinn í dag og Sigrún skilst mér að hafi fengið 64 sýkt e-mail! En sem betur fer vorum við nú ekkert að smella of mikið á þetta og virðumst nú ekki vera sýktar.