Hópeflinámskeiðið á Grand Hotel Reykjavík var mjög fínt :) Gaman að koma ásamt samstarfsfólki út úr hrjáða starfsumhverfinu og inn á svona afslappað svæði. Við fengum ágætis fyrirlestur um hvernig best sé að taka breytingum (og nóg er víst af þeim í skólanum þetta haustið...), unnum í nokkrum umræðuhópum, fengum ljúffengan hádegismat og fórum í leik úti á bílaplani (sem ég held að minn hópur hafi unnið...það var svolítið óljóst...).

Eftir kvöldmat skruppum við Jói inn í Kringlu þar sem tengdamamma hjálpaði okkur að velja brúðargjöf handa Ívari. Síðan sendum við tengdó strákana heim í tölvuna og kíktum saman í nokkrar fatabúðir. Virkilega gaman :)

Kvöldinu er ég svo búin að eyða með símann fastan við eyrað, maður hefur svo óskaplega þörf þessa dagana fyrir að tjá sig. Svo það er ágætt að geta hringt til skiptis í mömmu sem á alltaf ágætis eyru og í Guðbjörgu sem er eins og ég að fara að kenna 6 ára bekk og getur svarað helstu spurningum, eins og hvort samhljóðar séu grænir eða rauðir o.s.frv. ;)