Lesturinn og asnalegi "heilsukoddinn" minn eru búnir að taka sinn toll. Ég er að deyja í bakinu, hálsinum og höfðinu. Kannski ég passi mig næstu daga...

Ég kláraði Harry Potter rétt fyrir þrjú í nótt. Nú vil ég bara fá meira...auðvitað vill maður strax fá að vita hvernig sagan heldur áfram! Svona er þetta þegar maður les virkilega góðar bækur, maður vill lesa alla bókina strax til að vita hvernig hún endar en um leið og hún er búin þá vill maður eiga eitthvað af henni eftir ;)

Dundaði mér smá við að teikna eftir manga-leiðbeiningunum í kvöld og þetta var útkoman. Litaða útgáfan er gerð í Photoshop. Er búin að teikna nokkra hausa síðan ég fékk bækurnar en þetta er fyrsta myndin sem ég er stolt af. Hlakka til að halda áfram að æfa mig :)

Sorglegu fréttir dagsins eru að Dússý frænka, systir hennar mömmu í Danmörku, er mjög veik :(
Þessa mynd tók ég af systrunum þremur um jólin.