Ég var fegin að geta tekið foreldraviðtölin í dag í minni eigin stofu. Komst loksins í hana í morgun og miðað við hvernig hún var fyrir helgi þá leit hún bara vel út... Þetta fer allt að koma :)

Kvöldið fór svo í afslöppun, fór á videoleiguna og fékk smá nostalgíu-fíling í flettirekkanum. Valdi mér Back to the Future I sem ég er eiginlega farin að efast um að hafa yfirleitt séð áður... Hélt ég hefði séð hana á sínum tíma en núna held ég að ég hafi líklega bara séð nr. 2 og 3.

Reyndar var afslappelsiskvöld í gær líka. Við Jói fórum í heimsókn til Arnar og Regínu og horfðum þar á Moulin Rouge sem við skötuhjúin höfðum hvorugt séð (Örn og Regína voru mjög hneyksluð ;) hehe). Mjög góð mynd, myndatakan virkilega flott og tónlistin frábær. Þetta var eiginlega eins og að horfa á hreyfilistaverk með hljóði.