Ég vil byrja daginn á að óska Barnaspítala Hringsins innilega til hamingju með nýju bygginguna :) Það er gott að svona þörf og góð starfsemi skuli loksins hafa fengið verðug húsakynni. Helga Sigrún, Sigrún og ég kíktum í heimsókn til þeirra á gamla staðinn á fyrsta árinu okkar í Kennó til að kynna okkur starf þeirra tengt krabbameinssjúkum börnum. Var deildin þá einmitt að flytjast milli hæða á Landspítalanum áður en hún flyttist endanlega í nýbygginguna sem verið er að vígja í dag. Það var greinilegt að það starf sem þarna fer fram er unnið af mikilli hlýju og umhyggju og ég óska starfsfólki og sjúklingum alls hins besta á nýja staðnum :)