Tók að mér hlutverk barnfóstru um miðjan daginn í dag. Passaði Daníel Thor fyrir Imbu meðan hún var í jarðarför. Var að spá í að grafa upp gamla barnfóstruskírtenið sem ég fékk eftir barnfóstrunámskeið hjá Rauða Krossinum þegar ég var í kringum 12 ára (minnir mig), svona til að hafa með mér sem meðmæli ;) Þetta gekk að sjálfsögðu vel þar sem barnið svaf eins og engill nánast allan tímann.

Í kvöld var síðan átklúbbur mikill hjá Lindu, við vorum 8 í klúbbnum og 5 okkar komu með veitingar. Held að skipulagið hjá okkur sé eitthvað farið að dvína, þetta voru náttúrulega alltof miklar veitingar og þurfti ég að fara með mestmegnið af ostakökunni aftur heim. Það er náttúrulega ekki nógu gott, því þá endar það með því að við Jói klárum hana alla... Kannski við getum boðið einhverjum í heimsókn á næstu dögum ... einhver sem býður sig fram?