Guðbjörg, Karlotta og Oddur birtust í vinnunni hjá mér í dag. Oddur var að fá mælitæki niður um nebbann og Karlotta fékk að sitja hjá mér á meðan og teikna. Gaman að geta montað sig við vinnufélagana af þessum dásamlegu börnum ;)

Ég fór um daginn í Rúmfatalagerinn til að kaupa mér eins sæng og er í Sælukoti en komst að því að þeir framleiða ekki svoleiðis sængur lengur. Þeir áttu aðra sæng sem hefði getað komið til greina en ég vildi hugsa málið. Í dag gerði ég mér aðra ferð þangað til að kaupa sængina en þá voru þær sængur ekki heldur til! Asnalegi heilsukoddinn sem ég keypti um daginn (og borgaði sem betur fer ekki meira en 490 kr....hmm, kannski þess vegna sem hann er ömurlegur hehe) hefur verið gerður útlægur úr rúminu og gamli útþynnti koddinn kominn aftur. Í staðinn fyrir að finnast ég vera að sökkva mér í dúnmjúka og alltumlykjandi skýjabólstra þegar ég fer í háttinn, fæ ég yfirleitt á tilfinninguna að ég sé að sofa með þvottapoka undir hausnum og breiða yfir mig viskustykki!
Sængurnar eru væntanlegar aftur eftir tvær vikur og þá held ég að ég verði nauðsynlega að gera mér ferð þangað til að kaupa mér bæði sæng og kodda.