Jói skilur ekki alveg hvað ég vandræðast mikið með pappírinn í lokaritgerðina mína ;) Af hverju ég prenti þetta ekki bara á hvítan pappír í réttri þykkt?!? En nei...eins og sönnum kvenkyns kennaranema sæmir finn ég mig knúna til að prenta herlegheitin á einhvern spes pappír í fallegum lit, helst með einhverju fíngerðu og fallegu mynstri. Ég keypti 80gr pappír með wheatear yellow lit en eftir að hafa prentað út prufueintak á hann þá finnst mér hann ekki nógu þykkur. Á ég að hætta að hafa áhyggjur af honum (þar sem þetta er nú stöðluð pappírsþykkt eins og venjulegur prentunarpappír) eða á ég að stinga pakkanum ofan í skúffu og kaupa nýjan og þykkari pappír? Kannski ég fari í Griffil og gái hvort sandblásni dýri pappírinn sé kominn aftur... Æææ af hverju þarf þetta að vera svona flókið?!

Ég fór með DVD/videotækið okkar í viðgerð í Tölvudreifingu í morgun. Hefði gjarnan viljað senda afgreiðsluguttann á námskeið til að læra að brosa og sýna þjónustulund... ;) Vonandi verða þeir nú fljótir að gera við þetta fyrir okkur svo við getum farið að horfa á DVD-myndir aftur.