Fyrsta "árlega" haustlitaferð Klúbbsins fór fram í dag. Hófí, Theó, Assi og ég skunduðum á Þingvöll, þ.e.a.s. keyrðum að útsýnispallinum við Almannagjá og skunduðum síðan af stað. Við gengum eftir Almannagjánni, skoðuðum gróður, gjótur, geitungabú, steinsvalir, fossa, hyli, túrista o.fl. áður en við snerum aftur í bílinn og leituðum okkur að góðum áningarstað til að borða nestið okkar á. Hann fundum við og þar gæddum við okkur á flatkökum með hangikjöti, kanilsnúðum, kleinuhringjum og eplaköku. Vorum með flottasta nestið á staðnum! :) Drifum okkur svo inn í bíl áður en við frusum föst við bekkinn, fórum og hentum peningum í Nikulásargjá, skoðuðum Flosagjá og síðan flúðum við Theó og Assi skjálfandi inn í bíl meðan Hófí fór og skoðaði umhverfi kirkjunnar.

Fínn dagur eins og sjá má á myndunum :)