Byrjaði daginn í miður gagnlegri þriggja tíma kennslustund þar sem kennarinn bannaði okkur að glósa og dæmdi skoðanir okkar ógildar. Það er víst svo að hughrif hvers og eins eru ekki alltaf gjaldgeng, alla vega ekki ef þau passa ekki við hughrif kennarans. Það var einnig áhugavert að komast að því að kennarinn þekkir okkur ekki í sjón eftir að hafa eytt samtals a.m.k. 8 tímum með okkur frá því námskeiðið hófst fyrir hálfum mánuði.

Seinni hluti dagsins var mun betri og brugðum við okkur m.a. í hlutverk foreldris, unglings og rannsóknarlögreglumanns og sömdum sögu út frá vafasamri uppstillingu. Alltaf fínir tímar hjá Önnu Jeppesen.