Hörkuframleiðsla í dag. Guðrún Brynja, Rósa, Hildur og ég vorum svaka duglegar í rúmfræðiverkefninu og þurfum líklegast bara að hittast einu sinni aftur til að klára. Alltaf jafnljúft að losna við stressið af leiðinlegum verkefnum.

Ég smellti nokkrum myndum til viðbótar af snjónum í morgun, enda allt hvítt og gífurlega falleg birta í morgun þegar ég vaknaði. Fór síðan með tvær filmur í framköllun hjá Hans Petersen og nýtti mér "tvær-fyrir-eina-tilboðið". Er nú komin með slatta af snjómyndum í ferlimöppuna. (Og er einnig með myndir úr síðasta fjölskylduboði og kennósaumaklúbbnum síðasta fimmtudag)

Í kvöld gæddum við Jói okkur á lambalæri í Grafarvoginum, en tengdamamma og Teddi buðu okkur í dýrindis kvöldmat. Takk fyrir það :)