Held að það hafi aldrei neinn vesenast jafnmikið út af pappír eins og ég... :p Ég keypti nýjan og þykkari pappír í dag, er mun ánægðari og er hætt að vandræðast í Jóa út af þessum pappírsmálum ;) En það hlaut auðvitað að koma upp eitthvað smávandamál - ég keypti tvo eins pakka af pappír, notaði einungis annan pakkann í að prenta eintak eitt og blöndu úr báðum pökkum í eintak tvö. Þramma með ritgerðirnar yfir í bóksölu þar sem Hörður sér að pappírinn í seinna eintakinu er misstór... Þá var sem sagt einhvers konar galli í öðrum pakkanum þannig að pappírinn þar var pínu lengri. Týpískt. En það voru sem betur fer ekki of margar blaðsíður sem ég þurfti að prenta upp á nýtt en samt...vesen.

Mér leið frekar undarlega í dag en ég fékk sorglegar fréttir af einni vinkonu minni. :( Ég er hrædd um að maður sé ekki nógu duglegur að vera þakklátur fyrir það sem maður hefur - lífið getur verið mjög fljótt að breytast. Held að maður eyði of miklum tíma í að pirra sjálfan sig yfir smámunum eins og hvernig pappír maður eigi að nota í lokaritgerðina sína...