Var bara að vinna hálfan daginn í dag svo ég gat skotist eftir vinnu niður á Fræðslumiðstöð með leyfisbréfið mitt. Svona svo ég sé nú 100% löggild og fái rétt útborgað... ;)

Eftir stuttan fegurðarblund (sem virtist reyndar ekkert virka hahaha) gróf ég einhvers staðar upp smá orku til að búa til heimagerða pizzu í kvöldmatinn. Þær eru alltaf góðar heimagerðu pizzurnar mínar :p

Í kvöld tróðum við okkur fimm inn í Pólóinn hennar Theó (Assi, Lena, Theó, Elva og ég) og brunuðum til Keflavíkur til að taka á móti Hófí sem var að koma heim frá Ítalíu eftir 6 mánaða dvöl. Hún var að vonum hissa á að sjá okkur þarna samakomin ásamt foreldrum hennar og systur, enda vorum við og fjölskylda hennar með borða og spjöld og m.a.s. blöðrur! :) Svaka gaman og svo fórum við eftir á og fengum okkur ís á Hagamelnum.