Í dag fékk ég e-mail með eftirfarandi fyrirsögn:
Sigurros, Become The Man That Women Desire.
Þar sem ég er ekki á leiðinni í kynskiptiaðgerð á næstunni og hef lítinn áhuga á að gerast "sá maður sem konur þrá", þá held ég bara að ég afþakki pent þetta annars ágætis boð. Set það líklega í ruslatunnuna hjá öllum hinum spam-mailunum sem innihalda fjálgleg gylliboð um stækkaða limi.
Held þó að ég þurfi ekki að hafa miklar áhyggjur af því að efasemdir séu uppi um kynferði mitt því ég veit um fleiri dömur sem fengið hafa sams konar mail.

Kortabók Íslands beið mín í forstofunni þegar ég kom heim en ég pantaði hana á tilboði í gegnum Plúsinn. Með henni fylgdi hið sniðuga Íslandskort barnanna. Það borgar sig nefnilega að vera í Plús ;)

Við horfðum í kvöld á 40 Days - 40 Nights. Hlógum okkur máttlaus og svo er hún líka rómó. Mæli með henni :)