Ég á sko bestu mömmu í heimi, það fer ekkert á milli mála. Hún leit við hjá mér í morgun færandi hendi og gaf mér ákaflega fallegan bútasaumsdúk sem hún saumaði til að ég gæti sett á skenkinn minn. Takk elsku mamma :) Þú ert sko best!

Lagði lokahönd á ferlimöppuna í dag og límdi inn eitthvað af myndunum sem ég fékk úr framköllun í gær. Þetta er samt nokkurn veginn það eina sem ég kom í verk í dag sökum höfuðverks og slappleika. Ég ætla rétt svo að vona að ég sé ekki að veikjast! Hef einfaldlega engan tíma til þess núna!

Þess má til gamans geta, að það eru greinilega fleiri en íslenskir námsmenn sem þurfa að glíma við sama vandamálið...!