Las "Vaknað í Brussel" eftir Beturokk í dag. Mér þykir það ósköp leitt en þetta var með leiðinlegri bókum sem ég hef lesið. Ég fann ekki nokkurn einasta söguþráð, það var ekkert sem hélt mér við efnið og satt að segja fann ég ákaflega litla skemmtun í að lesa endalausar djammsögur um sídrukkna glyðru. Ástæðan fyrir takmarkaðri hrifningu minni er kannski bara að ég sé svona "leim" og hallærisleg týpa en það verður þá bara að hafa það, þetta var alla vega ekki bók að mínu skapi.

Þegar Jói klárar það sem hann er að gera í tölvunni akkúrat núna, ætlum við að horfa á Lord Of The Rings I sem við erum með í láni á DVD frá vinnufélaga Jóa. Mynd tvö, Turnarnir tveir, er nefnilega á dagskrá á morgun og planið er að rifja aðeins upp fyrri myndina áður en við sjáum þá seinni.