Já, það er ýmist of eða van. Ég lét ekki sjá mig í kvikmyndahúsi milli 5. janúar og 14. mars og nú fer ég í bíó tvö kvöld í röð! Nei, ég var ekki að fara á Maid in Manhattan í þriðja skiptið ;) nú fórum við Jói saman að sjá Shanghai Knights. Jackie Chan bregst ekki frekar en fyrri daginn og Owen Wilson hjálparkokkur er heldur ekki sem verstur. Góðir brandarar og ótrúlega flott (og fyndin...) bardagaatriði. Fín mynd :)

Næturgesturinn okkar var að stinga af rétt rúmlega átta í morgun þegar ég stakk úfnu og mygluðu höfðinu undan sænginni. Það hlýtur að vera alveg agalegt að vera sneydd þeim hæfileika að geta sofið út...eða hvað...ætli það sé nú ekki frekar kostur en galli ;) Held ég sleppi því samt að ganga frá gestabeddanum, næsti næturgestur mætir á morgun :) Svaka traffík á Hótel Betrabóli!