Letin í gær var svo sannarlega bætt upp með hörkudugnaði í dag. Við Helga, Hilda og Guðrún Brynja unnum eins og geðsjúklingar í stærðfræðivefverkefninu frá kl. 9 í morgun og fram til kl. rúmlega 17. Ekki slæmt, enda búnar að setja mestallt niður sem við ætlum að hafa með. Dugnaðurinn var reyndar svo mikill að leikfimitíminn datt upp fyrir. Úpps... En það verður að hafa það, maður hættir ekki í miðju kafi í verkefnavinnu þegar allt gengur vel og vinnan hreinlega flýgur áfram!

Í kvöld slappaði ég svo af við að horfa á Survivor og CSI. Tók upp Vesturálmuna og dýralífsþáttinn á RÚV á meðan - planið er að horfa á það einhvern tímann annað kvöld ásamt þáttum síðusta mánudags ;) Þetta hljómar eins og ég sé algjör sjónvarpssjúklingur sem má ekki missa af neinu á neinni stöð. Vandamálið er bara að einu þættirnir sem ég fylgist með á RÚV eru á sama tíma og aðalþættirnir á Skjá einum. Too bad - en þar kemur videotækið góða til sögunnar! :)