Mikið var ég fegin að vera í fríi í dag þar sem mér bauðst alveg einstakt tækifæri til að vera viðstödd fyrirlestra Howard Gardners o.fl. á vegum Íslensku menntasamtakanna í Kennó í dag. Mér finnst frábært að hafa fengið að hlusta á fjölgreindagúrúinn í eigin persónu, en það hefði samt verið gaman ef fyrirlestrarnir hefðu verið örlítið minna fræðilegir og meira inni á praktískari nótunum.
Kona Gardners, Ellen Winner, var með mjög áhugaverðan fyrirlestur um listakennslu í skólum og svokölluð áhrif hennar á aðrar námsgreinar skólans. Kom með margar góðar athugasemdir sem fengu mann til að hugsa en hún er fylgjandi listgreinakennslu listgreinanna vegna en ekki eingöngu sem aðferð til að bæta hag annarra námsgreina sem taldar eru "merkilegri".
Já, ég er mjög ánægð með daginn :)