Fékk mér heilsubótargöngutúr í góða veðrinu í dag til að skila videospólunum og versla í kvöldmatinn. Gott að koma út í ferska loftið eftir að sitja í marga klukkutíma við tölvuna.

Ég sé eiginlega eftir því að hafa ekki horft á formúluna í þetta skiptið. Er ekki vön að fylgjast mikið með henni því ég er löngu komin með upp í kok af að horfa á Michael Schumacher vinna hverja einustu keppni og svo er Hakkinen bara hættur :( En núna voru "mínir menn" að "gera góða hluti" eins og íþróttafréttamennirnir tönnlast á í sífellu... Coulthard í fyrsta sæti og Räikkönen í því þriðja... og Ferrari-klíkan komst ekki einu sinni á verðlaunapall! Hí á þá :) Kominn tími til að sjá MacLaren vinna eitthvað! Kannski maður fari nú bara að fylgjast aftur með...

Það fór fram smá tilraunastarfsemi í eldhúsinu mínu í kvöld. Ég lét loksins verða af því að reyna að búa til ostakökuna hennar mömmu. Núna bíður hún sallaróleg í ísskápnum (þ.e.a.s. ostakakan... ekki mamma ;)...) og ég er mjög spennt að sjá hvort þetta heppnast. Jói verður að dæma um það, hann er sko aðalostakökusælkærinn :)