Páskarnir í ár voru ekki án páskaeggja og þar af leiðandi ekki án málshátta. Ég fékk "Heimskur maður sýnir fljótt reiði sína" og Jói fékk "Sá einn veit sem reynir".

Lyfja var sem betur fer opin í dag svo að ég gat leyst út sýklalyfin sem læknirinn skaffaði mér síðasta föstudag. Held það sé nokkuð ljóst að kvefið er ekki að fara svo það veitir víst ekki af að gleypa nokkrar töflur. Hálsinn á mér surgar eins og gamall traktor og snýtubréfin eru smám saman að taka á sig form meðalstórs fjalls.

Við kíktum á tvo Friends-þætti í kvöld. Alltof stuttir þættir, maður þarf helst að horfa á minnst 5 eða 6 þætti í einu til að fá nægju sína.