Det var en dansk dag i skolen i dag fordi Frederic, kronprinsen av Danmark, giftede sig med den astralske Mary Donaldson.

Hmmm..... eitthvað grunar mig nú að danskan mín sé farin að hrörna. Alla vega legg ég ekki í að hafa alla færsluna á dönsku. En sem sagt í tilefni af hinu konunglega brúðkaupi í Danmörku þá ákváðu kennarar Hlíðaskóla að missa sig algjörlega í dönskufíling. Bæði starfsfólk og nemendur mættu í rauðum og hvítum fötum í tilefni dagsins og allir máttu hafa með sér kökusneið í aukanesti. Við kennararnir vorum reyndar svo heppin að fá bita af svaka flottri tertu sem Helga matráðskona bjó til fyrir okkur. Við í 1. SJO héldum upp á danska daginn með því að syngja saman á dönsku, búa til danska fánann og teikna myndir af einhverju sem tengist Danmörku. Við hlustuðum meira að segja á "Klatremus og de andre dyr i Hakkebakkeskoven" á dönsku. Det var virkileg dejligt :)

Þó þetta hafi nú allt verið til gamans gert til að brjóta upp hefðbundna kennslu þá var ég samt komin í heilmikinn gír fyrir brúðkaupið þegar ég kom heim. Á stóra skjánum í tölvustofu Hlíðaskóla sá ég þegar síðustu gestir mættu til brúðkaupsins. Seinni hluta brúðkaupsins horfði ég svo á heima í stofu og lifði mig þvílíkt inn í ævintýrið um stelpuna sem fékk prinsinn (og síðar meir allt konungsríkið) að ég táraðist í sífellu með sælubros á vörum. Þau voru líka eitthvað svo sæt og fín, héldust í hendur meðan á athöfninni stóð og voru alltaf öðru hvoru að kíkja hvort á annað og brosa. Aaaahhh :) Ég er svooo væmin og rómantísk draumórastelpa :)