Mér hlýtur að vera eitthvað að batna, alla vega náði ég að sofa í mestalla nótt! Jibbí! :) Þvílíkur munur að fá sæmilegan nætursvefn, ég var að verða eins og afturganga af því að hafa ekki sofið í fjórar nætur samfleytt nema tæpan klukkutíma í einu.
Ég var meira að segja svo hress að ég dreif mig í að taka til. Það var alveg kominn tími á það, enda heimilisfólkið hér búið að vera ýmist veikt eða í prófum síðasta hálfa mánuðinn eða svo. Fór einnig á bókasafnið inni í Kringlu að skila bókum og þar sem það vantaði eitthvað í kvöldmatinn þá fór ég í Bónus. Það var troðið í Kringlunni og ég var fljót að forða mér þaðan þegar ég var búin að versla í matinn.