Fór eftir skóla í Læknasetrið til að láta athuga eilífðarhálsbólguna og hóstann. Ég reyndist vera með fullkomin lungu. Að sjálfsögðu ;) Ég fékk eitthvað sniðugt til að losa mig við einkennin en læknirinn sagði reyndar að þetta væru örugglega bara svona byrjunarkennarapestir sem ég gæti átt von á að fá fyrstu eitt . . . tvö . . . þrjú árin. Já, framtíðin er björt ;)

Laumaði Stefu með mér í leikfimina í dag. Við ætlum nefnilega að fara að vera duglegar að reka hvora aðra áfram í spriklinu :) Frábært að vera loksins komin með þjáningarfélaga í púlið ;)

Við Jói fórum á Stælinn í gær til að halda upp á að Jói er búinn í prófunum. Og ef hann náði öllum prófunum þá er hann búinn núna með þennan andstyggilega skóla! Jibbí :)

Að því loknu tókum við smá bíltúr í góða veðrinu og skoðuðum nýja og skemmtilega staði :)