Jói bloggaði fyrir viku um "fimmtugsafmælið" okkar Stefu á Gauknum. Nú er komið að mínu bloggi (agalegt að verða fyrir svona löngu bloggfalli...).
Við Stefa urðum báðar 25 ára nú í hinum sólríka júlímánuði og ákváðum að slá fagnaðarhöldunum okkar saman í eitt og buðum góðum gestum í partý á Gauknum. Við sumarbörnin vitum að það er erfitt að bjóða í afmælisveislu á sumrin þegar allir eru út um hvippinn og hvappinn. Margir boðuðu forföll en samt mætti þó nokkur fjöldi til að skemmta sér með okkur og var stemningin með besta móti.
Írafár var hljómsveit kvöldsins en þau mættu því miður frekar seint, ég var að vona að þau myndu byrja að spila fyrr enda var ég búin að vera í svakalegu dansstuði frá því ég mætti á svæðið. Ég entist því miður ekki jafnlengi og hitt afmælisbarnið og gestirnir okkar, var með þreytta útlendinga á mínum vegum og á leiðinni í ferðalag daginn eftir.
En ég var mjög ánægð með kvöldið og skemmti mér vel.
Vil hér með þakka kærlega fyrir mig :)