Reif mig fram úr snemma í morgun og fór upp í skóla. Foreldrarnir í bekknum mínum höfðu skipulagt álfaratleik í Öskjuhlíðinni og ég var svo heppin að mega koma með :) Það var fimbulkuldi en við vorum vel klædd svo að þetta var í góðu lagi. Við gengum frá skólanum, upp að Perlu, niður að ylströnd og alla leið tilbaka. Ágætis labb enda var ég ágætlega lúin þegar ég kom heim. Þetta þurfum við Jói auðvitað að gera oftar, Öskjuhlíðin er svo nálægt okkur en samt höfum við aldrei á þessum tæplega tveimur árum farið þangað í göngutúr. Þurfum að bæta úr þessu!

Í kvöld ætla ég svo aftur að hætta mér út úr húsi. Sigrún er á leiðinni til mín og við ætlum að kíkja á kaffihús :) Gaman gaman!