Fór ásamt samkennurum mínum í verkfallsmiðstöðina í Borgartúninu, rétt eins og í gær. Vona að kennarar haldi áfram að vera duglegir að láta sjá sig þar meðan verkfall stendur yfir!
Þaðan var stutt að fara yfir í Hátúnið í sjúkraþjálfun. Oft var þörf en nú var nauðsyn. Ég hef nefnilega verið stórfurðuleg í vinstri hönd frá því á föstudag. Fæ sinadrátt og krampa í lófanum og upp í handlegg við einföldustu athafnir eins og að skera mat og setja á mig bílbelti. En ekki í hvert skipti. Stórfurðulegt og frekar pirrandi. Sjúkraþjálfarinn minn spurði mig hvort þetta væru kannski bara verkfallsverkir... ;) Ekki veit ég það en ég vona að þetta lagist. Alla vega fékk ég lúxusmeðferð hjá honum Jakobi, fyrst fékk ég nálastungur, svo hálstog í furðulegu apparati og líka laser. Ef ég lagast ekki við þetta þá eru góð ráð dýr.
Og talandi um dýr... vitið þið hvað ljón og demantar eiga sameiginlegt? Þau eru bæði rándýr. Hahahaha :D Heyrði þennan eðalbrandara hjá nemanda mínum nú í haust - ætti að virka á Theó og Lenu ofurbrandarakonur :)

Mikið hlýtur að vera gaman að vera svona málefnalegur...

Kíkið endilega á blogg Daníels Freys.
Fínn málflutningur í kjarabaráttunni.