Skrapp í heimsókn til Sigrúnar í gærkvöldi. Þegar hún ætlaði að koma í heimsókn til mín um daginn var ég óheimsækjanleg, hóstandi og kvefuð, svo að nú dreif ég mig af stað fyrst að ég er orðin betri. Svona áður en næsta kvef skellur á ;) Við Sigrún kjöftuðum langt fram eftir kvöldi enda höfum við yfirleitt alltaf um nóg að spjalla.
Ósköp huggulegt :)

Eftir formúluna í dag fórum við Jói í ísbíltúr. Keyptum okkur bragðaref í Álfheimaísbúðinni í Skeifunni og fórum með hann í Laugardalinn. Kuldaskræfan ég var auðvitað skjálfandi svo að við settumst inn í skálann og horfðum á blómin þar meðan við kláruðum ísinn.
Ósköp huggulegt :)