Síðasta þriðjudag var vígsluhátíð í skólanum. Verið var að vígja nýbyggingu skólans við hátíðlega athöfn. Auðvitað jákvætt að framkvæmdum sé lokið og því tilvalið að fagna því. Borgarstjórinn hélt afar nemendavæna ræðu (hún stóð í mesta lagi yfir í 3-5 mínútur) og lét viðstadda taka eina bylgju og hrópa Hlíðaskóli. Mjög fín ræða :) Aðrar ræður voru einnig stuttar og miðuðust að miklu leyti við að í áheyrendahópnum var mikill fjöldi nemenda. Öll skemmtiatriði voru í boði nemenda. Mér fannst þarna vel að verki staðið, skólinn er fyrst og fremst fyrir nemendurna og því sjálfsagt að hafa þá í öndvegi á svona hátíðisdegi.