YaYa-peran reyndist skemmd svo að hún fór mestöll í ruslið. Ég smakkaði reyndar bita og það var rétt sem afgreiðslustúlkan í 10-11 sagði, þetta er svona mitt á milli þess að vera pera og epli. Ugli-ávöxturinn, sem mér skilst á flestum að sé mitt á milli þess að vera appelsína og greip, er enn inni í ísskáp. Veit ekki hvað málið er núna, fullt af nýjum ávöxtum og þeir eru allir mitt á milli þess að vera einhverjir aðrir ávextir.
En ég sýndi nú samt smá nýjungagirni í matseldinni. Ég steikti kjúklinginn minn í strimlum eins og vanalega með miklu kjúklingakryddi, hitaði svo couscous og skar vatnsmelónubita út í. Svo fann ég stórmerkilegan gulan ávöxt í dós inni í skáp. Eitthvað sem kallast a-na-nas. Hann reyndist alveg merkilega góður, þarf að prufa hann oftar ;) hehe
Myndir af afrakstrinum (sem var ótrúlega góður þrátt fyrir að vera einfaldur) er að finna hér og hér.

(Það er svo gaman að vera svona óþolandi bloggari sem útlistar matarræðið sitt í smáatriðum fyrir lesendum hahahaha)

Ooohh ég vildi að ég ætti papriku til að elda með kjúklingnum.
Paprikuandstæðingurinn er nefnilega fjarri góðu gamni í kvöld.
En ég á reyndar eina YaYa-peru og einn Ugli-ávöxt, hvernig ætli það komi út með kjúllanum? Hmmm...

To be continued...