Skólaslit Hlíðaskóla voru í dag. Það voru nú ekki allir nemendur sem gátu mætt enda margir komnir út á land eða út í lönd. Mínir nemendur fengu vitnisburð og orður og þau voru öll svo sæt og fín með orðurnar sínar (og er auðvitað alltaf sæt og fín...). Ég fæ samt að sjá þau sum hver einu sinni enn á eftir en bekkurinn ætlar að hittast með foreldrum í Nauthólsvíkinni og grilla... og kennslukonan fær að fljóta með :)

Ég tek hjartanlega undir hamingjuóskir Steinunnar til okkar sjálfra og allra sem útskrifuðust með okkur úr Kennó og eru nú um þessar mundir að klára fyrsta skólaárið sitt. Sko, þetta gátum við :)

Nú þarf bara að klára starfsdagana fram að helgi og þá kemst ég í sumarfrí :)