Mig langar svo til að við frændsystkinin verðum duglegri að hittast. Til að koma ferlinu í gang þá boðaði ég þau á spilakvöld hjá mér í gærkvöld. Því miður eru mörg okkar búsett í útlöndum og einhverjir voru voða uppteknir svo að þetta varð bara fámennt en góðmennt hjá okkur. Sem var nú ekkert slæmt :)

Heiður kom sem fulltrúi Loftsafkomenda en besta mætingin var þó frá Linduafkomendum. Þeir mættu bara allir.Bræðurnir Bjarki og Unnsteinn, Atli hans Unnsteins og svo nýi bróðirinn Angelo sem er skiptinemi frá Sikiley. Við notuðumst við hina frábæru uppfinningu Babelfish til að ræða við Angelo en hann er enn að læra íslenskuna og enskan einhvern veginn virkaði ekki alveg nógu vel til að við næðum að halda uppi samræðum.

Svaka skemmtilegt kvöld :) og vonandi komast bara fleiri næst.