Við störðum á skjáinn og biðum eftir að kynnarnir drægu fram ellefta umslagið eða segðu "Nei, djók! Auðvitað kemst Ísland áfram en ekki Makedónía!" Okkur leið eiginlega eins og einhver hefði dáið! Það var auðvitað bara formsatriði að líta við á þessari blessuðu forkeppni, ekkert til að stressa sig neitt yfir. Smá misskilningur...
En við vorum nú, þrátt fyrir vonbrigðin, nokkuð sátt með spána okkar. Við skrifuðum niður þau 10 lönd sem við töldum að gætu og ættu að komast áfram og 8 þeirra komust áfram. Við erum greinilega nokkuð góðir spámenn... þó við höfum nú reyndar ekki séð fyrir klúðrið með íslenska lagið :(
Ég gleymi yfirleitt fljótt hvaða land var með hvaða lag, svo að ég bætti litlum útskýringarmyndum við til að hjálpa minninu ;)

Það verður vissulega ekki sama stemningin í partýinu á laugardaginn eins og gert hafði verið ráð fyrir, þó við látum þetta auðvitað ekki skemma stuðið neitt fyrir okkur. Þemapartý á vegum Assa eru ALLTAF skemmtileg, jafnvel þó að leiðindapúkasímakosningafólk í Evrópu hafi skemmt fyrir okkur. Þetta verður bara svolítið öðruvísi. Við höldum þá auðvitað með Noregi. Áfram Noregur! :)