Einhverra hluta vegna koma götin í blogginu yfirleitt vegna þess að það er fátt að blogga um eða viðfangsefnin eru annað hvort svo víðfeðmd eða erfið að maður kemur sér ekki í að blogga.

Ég fór í jarðarför í gær og það er svo rosalega margt sem mig langar til að segja en ég finn eiginlega engin orð.

Séra Árni Bergur var jarðaður frá Áskirkju í gær. Karl bróðir hans jarðsöng hann og Einar bróðir hans og Sigurbjörn faðir hans fóru með ritningargreinar. Ég dáist að styrk þeirra feðga, þetta hefur örugglega verið þeim erfitt.

Þetta var sú langerfiðasta jarðarför sem ég hef farið í og ég grét allan tímann. Ég byrja eiginlega að gráta aftur núna bara við að skrifa um það. En svona er þetta, það er erfitt að kveðja svona stórkostlegan mann.