Áramótin verða haldin hátíðleg hérna í Arnarsmáranum þetta árið. Með leiðbeiningum og aðstoð móður minnar ætla ég að elda veislukjúkling fyrir tengdapabba, mömmu, Hauk, Jóa og mig.

Það er vissulega pínulítið stressandi að sjá um svona merkilegan hátíðarmat sjálfur. En ég tek bara hana Hildu ofurhúsmóður til fyrirmyndar og snara þessu fram úr erminni :) Er það ekki bara?

En alla vega, skemmtilegt kvöld framundan og ég hlakka mikið til að prófa að halda svona stórhátíð á mínu eigin heimili.

Eitt er víst að "pottþétt" verður
afskaplega gaman þá... :)

Var að ljúka við lesturinn á Þriðja tákninu sem Hlíðaskóli gaf starfsfólki sínu þessi jólin. Spennandi og skemmtileg bók - ég stóð sjálfa mig alloft að því að skella upp úr yfir bröndurunum. Reyndar voru hláturrokur ekki einu hljóðin sem ég gaf frá mér við lestur bókarinnar, ákveðin atriði vöktu mikinn hrylling hjá undirritaðri. Veit ekki hver valdi einmitt þessa bók sem jólagjöfina til okkar í ár, en sá hinn sami hefur vonandi ekki gert það til að hrella mig af ásettu ráði. Þriðja táknið er nefnilega að vissu leyti ekki mjög heppileg bók fyrir fólk með mína fóbíu...

Mæli samt með bókinni ;)