Við Jói erum búin að festa brúðkaupsdaginn :) Þann 9. júlí næstkomandi ætlum við að láta pússa okkur saman eftir tæplega 5 ára trúlofun... ehemm, ég veit að það er nú vaninn víðast að brúðkaup komi um það bil ári eftir trúlofun en við erum bara svo hæglát að þetta tók 5 ár hjá okkur ;)
Við erum búin að setja upp sérstaka brúðkaupssíðu þar sem áhugasamir geta fylgst með undirbúningnum og lagt okkur lífsreglurnar í brúðkaupsmálum ;)
Þar ætla ég að blogga um það sem viðkemur brúðkaupinu svo að bloggfærslum hér gæti fækkað eitthvað meðan undirbúningurinn stendur sem hæst.
En ég ætla nú samt ekki að hætta að blogga hér, lífið snýst nú um meira en þennan eina dag framundan ætla ég að vona ;)